Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 421 Hüküm no: 766 Orijinal metin no: [73a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Apostol v. Manol’un, evini Cafer Bey b. Mürüvvet’e sattığı Mahrûse-i Üsküdar’a tâbi‘ karye-i Kadı’dan Apostol v. Manol mahfil-i kazâda mahrûse-i merkūmeden Cafer Bey b. Mürüvvet mahzarında ikrâr ve takrîr-i merâm kılıp karye-i merkūmede inde’l-cîrân ma‘lûmetü’l-hudûd olup iki bâb fevkānî ve iki bâb tahtânî ve bahçeyi ve eşcâr-ı müsmireyi müştemil olan mülk menzilimi istiğlâl tarîkiyle mezbûr Cafer Bey’e sekiz bin nakd râyic fi’l-vakt akçeye bey‘ edip kabz-ı semen ve teslîm-i mebî‘ kıldıkdan sonra zikr olunan evi her sene sekiz yüz akçeye icâreye aldım dedikde mukırr-ı mezbûru mukarrun lehü’l-merkūm bi’l-muvâcehe tasdîk eylediği kayd şud. Şuhûdü’l-hâl: Ali Çelebi b. Mahmud, el-Hâc Hüseyin b. Mustafa, Şemseddin [b.] Sâdık, Musa b. Mustafa