Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 453 Hüküm no: 843 Orijinal metin no: [81a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocası başka diyara giden Nesli Hâtun bt. Mustafa’ya eşinin malından nafaka tayin edildiği Nesli Hâtun bt. Mustafa mahfil-i kazâya gelip zevcim İsa nâm kimesne âhar diyâra gidip nafaka ve kisve için küllî aczim vardır kıbel-i şer‘den nafaka takdîr olunmasın taleb ederim dedikde Müslümanlardan cemm-i gafîr mezbûre Nesli’nin zevci gideli üç yıl mikdârı vardır evinde infâk için bir nesnesi yokdur dediklerinde târih-i kitâbdan mezbûre Nesli’ye zevci İsa’nın mâlından yevmî üçer akçe nafaka takdîr olunup istidâneye izin verildikden sonra bu hurûf tahrîr olundu. Tahrîren fi’l-yevmi’s-sânî min şehri Muharrem sene ihdâ ve elf. Şuhûdü’l-hâl: Mehmed b. Behrâm, Muttalib [b.] Süleyman, Şaban [b.] Pîrî, Müstecâb [b.] Mustafa ve gayruhüm