Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 459 Hüküm no: 856 Orijinal metin no: [82a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Reisli’den İsmail b. Yunus’un şeceresinin tespit edilmesi Reisli’den İsmail b. Yunus mahfil-i kazâda bundan akdem karye-i mezbûreden olup fevt olan Ahmed’in li eb ve üm kız karındaşı Marziye tarafından husûs-ı âtîye nehc-i şer‘le vekâleti sâbite olan Dergâh-ı âlî yeniçerilerinden Yakub b. Abdullah mahzarında takrîr-i merâm edip müteveffâ-yı mezbûr Ahmed’e ben Abaza’yım ve mezbûr Ahmed Kurd oğludur ve ol Nebî oğludur ol Davud oğludur ve benim babam Yunus’dur ol Himmet oğludur ve Himmet mezbûr Davud oğludur deyu da‘vâ edip gıbbe’s-suâl ve akībe’l-inkâr müdde‘î-i mezbûrun da‘vâsına muvâfık beyyine taleb olundukda el-Hâc Mustafa b. Hasan ve Murad b. Mehmed ve Hamza b. Alice nâm kimesneler mahfil-i şer‘de li ecli’ş-şehâde meclis-i şer‘a hâzırân olup fi’l-hakīka müteveffâ-yı mezbûr babası Kurd’dur onun babası Nebî onların babası Davud ve müdde‘î-i mezbûrun babası Yunus onun babası Himmet ve onun babası Davud’dur deyu şehâdetleri bi’t-taleb kayd şud. Şuhûdü’l-hâl: Hüsrev Bey [b.] Abdullah, Ahmed Bey [b.] Abdullah, Himmet [b.] Nasûh ve gayruhüm