Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 464 Hüküm no: 870 Orijinal metin no: [83b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Halil’in babasından kalan hisseler ile bazı eşyalarını Mustafa b. el-Hâc İsmail’e sattığı Kasaba-i Çorum’dan Mustafa b. el-Hâc İsmail mahfil-i kazâda kasaba-i merkūmeden Mehmed b. Halil muvâcehesinde mezbûr Mehmed kasaba-i merkūmede babamdan intikāl eyledi deyu dört hissenin üçünü bana intikāl eyledi sekiz bin akçeye bir mikdâr esbâbın menzil ile bey‘ edip kabz-ı semen eyledi yayabaşının mevtini beyân eylesin veyâhud akçemi versin deyicek mezbûr Mehmed bi’l-muvâcehe cevâb verip mahrûse-i Üsküdar’da Vâlide Sultân -tâbe serâhâ- mahallesi hânında vefât edip bu husûsa şâhidlerim vardır deyicek udûl-i müslimînden Receb b. Ali ve Mahmud b. Ahmed nâm kimesneler fi’l-vâki‘ mezbûr Halil merhûme Vâlide Sultân hânında târih-i kitâbdan iki yıl mukaddem vefât edip biz namazın kıldık deyu haber verdikleri kayd şud. Tahrîren fî evâili Muharremi’l-harâm li sene ihdâ ve elf. Şuhûdü’l-hâl: Mehmed b. el-Hâc Ali Bâli, Murtaza Bey, Ahmed Bey [b.] el-Hâc Hızır ve gayruhüm