Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 467 Hüküm no: 877 Orijinal metin no: [84a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fazlullah Paşa Vakfı’na ait Çengelköy’ün vergilerinin mukâtaaya verilmesi ve mukâtaa bedeli hakkında vakıf mütevellîsi ile olan davanın halli Sadrazam hazretleri tarafından kıdvetü’l-emâsil ve’l-akrân Abdullah Çavuş mübâşeretiyle mahrûse-i Kostantıniyye sâkinelerinden Ezmerağda bt. Evranos mahfil-i kazâda Seryani ve İstemad v. Kosta nâm zimmîler mahzarlarında ikrâr ve takrîr-i merâm bundan akdem merhûm Fazlullah Paşa evkāfından Çengel nâm vakıf karyenin a‘şâr ve rüsûmundan ve sâir bâd-ı hevâsından yüz bin ve seksen beş bin akçeye bana verip kırk bin peşînim alıp hâlâ zikr olunan karye-i mezbûrâna iki yüz bin akçeye verip ben dahi meblağ-ı mezbûru taleb eylediğimde evkāf-ı merkūme mütevellîsi Mehmed Çelebi meblağ-ı mezbûru merkūmândan gösterip onlar dahi meblağ-ı mezbûru bi’t-tamâm ve’l-kemâl bana teslîm edip benden alıp kabûl ve kabz edip husûs-ı mezbûra müte‘allik da‘vâdan mütevellî-yi mezbûrun ve merkūmân zimmîlerin zimmetlerini ibrâ’-i âmla ibrâ’ ve iskāt eyledim dedikde mukırr-ı mezbûrenin vech-i meşrûh üzre vâki‘ olan ikrârını mukarrun lehüma’l-merkūmân bi’l-muvâcehe tasdîk ve’l-müşâfehe tahkīk eylediklerinde mâ vaka‘a kayd şud. Şuhûdü’l-hâl: Ali Çelebi b. Mahmud, Ömer Subaşı [b.] Veli, Müstedâm Bey, Muttalib [b.] Süleyman