Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 514 Hüküm no: 1008 Orijinal metin no: [94b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Paşa Vakfı’na Cemşid’in tayin edildiği Sebeb-i tahrîr-i tevkî‘-i refî‘-i hümâyûn oldur ki İşbu dârende-i fermân-ı hümâyûn Cemşid kasaba-i Üsküdar’da merhûm Ahmed Paşa evkāfından kıdvetü’l-ümerâi’l-kirâm merhûm-ı mezbûrun oğlu Kastamonu Sancakbeyi Mahmud -zîde izzuhû- arzı mûcebince fevt olan Hamza yerine sene elf Cemâziyelâhiri’nin selhinden yevmî iki buçuk akçe ile bu berât-ı hümâyûnu verdim ve buyurdum ki varıp hizmet-i lâzımesin mer‘î ve mü’eddâ kıldıkdan sonra ta‘yîn olunan yevmî iki buçuk akçe vazîfesin evkāf-ı mezbûre mahsûlünden mâh be-mâh mütevellîsinden alıp mutasarrıf [ola] bu bâbda kimesne mezbûra mâni‘ ve dâfi‘ ve müzâhim olmaya şöyle bileler alâmet-i şerîfe i‘timâd kılalar. Tahrîren fi’l-yevmi’s-sâbi‘ ve’l-ışrîn şehri Receb li sene elf. An mâliye Be-makām-ı Kostantıniyye