Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 60 Hüküm no: 23 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşadığı karısı Ayşe’yi yaralayan Ali’nin tedavi masraflarını karşılaması Ma‘rûz-ı dâ‘î-i devletleridir ki; Üsküdar’da Kefce mahallesinde sâkine zâtı vech-i şer‘î üzere mu‘arrefe olan Âişe bt. İbrahim hasmı sâbıkā zevci es-Seyyid Ali b. Ahmed muvâcehesinde bir gün mukaddem Üsküdar’da Gülfem mahallesi sûkunda âlet-i cârihadan bıçak ile sağ uyluğum üzerine amden darb ve cerh eyledi deyü mûcibini ba‘de’d-da‘vâ ve’l-inkâr müdde‘iye-i mezbûre müdde‘âsını isbâtdan izhâr-ı acz edip istihlâf etmeğin bi’d-defa‘ât mezbûr es-Seyyid Ali’ye yemîn teklîf olundukda yemînden nükûl etmekle mûcebince cerh-i mezkûrun ber’ine tevfîk olundukdan sonra ücret-i müdâvât içün küllü yevm on sekiz akçe farz ve takdîr olunup istidâne ve rücû‘a mezbûre Âişe’ye izin verildiği ba‘de’t-tescîl bi’l-iltimâs huzûr-ı âlîlerine i‘lâm olundu. Bâkī fermân men lehu’l-emrindir. Fî 27 Rebî‘ülâhir sene 1154