Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 87 Hüküm no: 84 Orijinal metin no: [14b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın evini taşlayıp öldürmek kasdıyla üzerine saldıran Ahmed Beşe’den şikayetçi olduğu Ma‘rûz; Üsküdar’da Solak Sinan mahallesinden Mustafa hasmı yine mahalle-i mezbûre sâkinlerinden Cebehâne-i âmirede otuz bir cemâ‘ati neferâtından Ahmed Beşe ile mürâfa‘a-i şer‘ oldukda târih-i i‘lâmdan bir gün mukaddem anama cimâ‘ lafzıyla puşt deyü muvâcehemde şetm ve bıçak ile üzerime hücûm eylemişdir deyü ba‘de’d-da‘vâ ve’l-ikrâr mûcibince Mezbûr Ahmed Beşe’ye ta‘zîr lâzım geldikden sonra mezbûr Mustafa yine meclis-i şer‘a gelip târih-i i‘lâm gecesi menzilim taşladıp hetk-i ırz eylediğini mahalle-i mezbûre ahâlîsinden ma‘lûmü’l-esâmî bî-garaz Müslimîn kimesneler ihbâr etmeleriyle mezbûr Ahmed Beşe i‘lâmıyla huzûr-ı âlîlerine irsâl olundu. Fî 6 Cumâdelâhire sene [1]154