Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 144 Hüküm no: 213 Orijinal metin no: [37a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’da Çavuşbaşı Hanı’ndaki meydana gelen yangında eşya ve emtiası yanan Amira ile alacaklıları arasındaki davada hapis cezasına gerek olmadığı Ma‘rûz, Sahib-i arzuhâl Amira nâm zimmî dâyinlerinden Hancı Osman Bey’e cihet-i karzdan üç yüz seksen guruş ve Sa‘lebci el-Hâc Ahmed’e dahi yüz elli guruş ve Yeni mahalleden Kirkor zimmîye yüz altmış guruş ve diğer Kirkor zimmîye yirmi beş guruş ve Hasan nâm kimesneye yirmi beş guruş ki cem‘an yedi yüz kırk guruş hakları olduğu sahib-i arzuhâl mezbûr Amira zimmîden ba‘de’d-da‘vâ ve’l-ikrâr zimmî-i mesfûr arzuhâlde tafsîl ve ayân eylediği vech üzere mukaddemâ Üsküdar’da Çavuşbaşı Hanı’nda olan odasında ve eşyâ ve emti‘ası bi-kazâillâhi te‘âlâ bi’l-külliye muhterik olup sıfırü’l-yed ve tedrîc ile edâya râzı ve bu vechile asârını iddi‘â ve yesâr beyyinesi evlâ olduğuna binâen dâyinleri yesârını şer‘an isbât edemeyip yesârı sâbit olmadıkça hapis iktizâ etmemekle hapis ile rencîde olunmamak bâbında fermân-ı âlî ricâ eylediği bi’l-iltimâs huzûr-ı âlîlerine i‘lâm olundu. Fî 15 Zilhicce sene 1154