Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 145 Hüküm no: 215 Orijinal metin no: [37a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babanik oğlu Markar’ın oğullarının hasımları Uzun Bogos’taki alacaklarının ödenmesi Ma‘rûz, Derûn-ı arzuhâlde mezkûrü’l-ism olup bin yüz otuz sekiz senesinde hâlik olan Babanik oğlu Markar zimmînin hîn-i hâlikinde sagīrler olup hâlâ biz bâliğler olan sulbî kebîr oğulları Asvador ve Kivorg nâm karındaşlar derûn-ı arzuhâlde mezkûrü’l-ism hasımları Uzun Bogos zimmî ile bâ-fermân-ı âlî Dîvân-ı âlîlerinde ba‘de’t-terâfu‘ hâlik mezbûrun hîn-i hâlikinde [helâkinde] defter-i kassâmda tahrîr olunduğu vech üzere cihet-i deyn-i şer‘îden kırk dört guruş deyni olduğunu târih-i mezbûrda ikrâr ve i‘tirâf ettikten sonra defter-i kassâma idhâl ve ol vechile meblağ-ı merkūm bi-tarîkı’l-münâsaha bize mevrûs olmağla ba‘de’d-da‘vâ ve’l-inkâr müdde‘iyân-ı mezbûrân müdde‘âlarını lede’t-tezkiye adâletleri zâhir es-Seyyid Süleyman b. Mehmed ve Veli b. Mehmed şehâdetleriyle vech-i şer‘î üzere isbât etmeğin mûcebince meblağ-ı merkūmu edâ ve teslîme mezbûr Uzun Bogos zimmîye tenbîh olunduğu mübâşiri İbrahim Çavuş iltimâsıyla huzûr-ı âlîlerine i‘lâm olundu. Fî 2 Zilhicce sene 1154