Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 176 Hüküm no: 282 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Annesi Rabia’ya olan borcunu ödemesi için Abdurrahman’ın uyarıldığı Ma‘rûz Sahibe-i arzuhâl Râbia hasmı oğlu Abdurrahman ile ber-mûceb-i fermân-ı âlî dîvân-ı âlîlerinde ba‘de’t-terâfu‘ Üsküdar’a havâle olundukdan sonra ber-mûceb-i temessük cihet-i karzdan iki yüz elli guruş oğlum merkūm zimmetinde hakkım olmağla taleb ederim deyü da‘vâ etdikde mezbûr Abdurrahman cevâbında cihet-i mezkûreden ber-mûceb-i temessük iki yüz elli guruş vâlidesi mezbûre Râbia’ya deynimdir deyü bi-tav‘ihiikrâr ve i‘tirâf etmeğin ikrârı mûcibince meblağ-ı mezkûru edâya mezbûr Abdurrahman’a tenbîh olunduğu mübâşiri kulları iltimâsıyla huzûr-ı âlîlerine i‘lâm olundu. Fî 5 min-Rebî‘ülevvel sene 1155