Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 201 Hüküm no: 341 Orijinal metin no: [56b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalçacı Mustafa’nın bağını rehin vermesi Ma‘rûz Sahib-i arzuhâl el-Hâc Abdullah derûn-ı arzuhâlde mastûrü’l-ism olup çavuş kulları mübâşeretiyle ihzâr olunan Na‘lçacı Mustafa ile mürâfa‘a-i şer‘-i şerîf olduklarında mezbûr Mustafa Bey yüz elli senesi Zilhiccesinin yirmi beşinci günü mezbûr el-Hâc Abdullah yedinden vasîleri olduğu Abdullah ve İsmail nâm sagīrlerin mâllarından beş yüz guruş ahz ve istihlâk ve mukābelesinde Bulgurlu karyesi toprağında vâki‘ ma‘lûmü’l-hudûd bir kıt‘a bağını alâ-tarîkı’l-istiğlâl rehin ve teslîm ve yine târih-i mezkûrdan beher senesi doksan guruşdan üç seneye [de]k vasîyy-i mezbûrdan istîcâr ve kabûl eylediği mezbûr Mustafa’nın ikrârıyla sâbit olup lâkin müddet-i icâre-i merkūme henüz tamam olmamağla ancak lâzım gelen iki senelik yüz seksen guruş icâreden vasîyy-i mezbûr kırk guruşunu ahz etmekle bâkī kalan yüz kırk guruş ile meblağ-ı merkūm altı yüz guruş ki cem‘an yedi yüz kırk guruşu ber-mûceb-i fermân-ı âlî vasîyy-i mezbûra teslîme mezbûr Mustafa’ya tenbîh olunduğu huzûr-ı âlîlerine i‘lâm olundu. Fî 18 Cumâdelûlâ sene 1155