Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 201 Hüküm no: 343 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Satori ve kardeşi Vasil ile Fotini ve Kozizoli arasındaki anlaşmazlığın giderildiği Ma‘rûz Sahib-i arzuhâl Satori ve karındaşı Vasil hasımları olup derûn-ı arzuhâlde mezkûreti’l-ism Fotini ve Kozizoli taraflarından vekîl-i sâbitü’l-vekâlesi Fotini’nin zevci Taşi Yasef zimmî ile ba‘de’l-mürâfa‘a müste’ciren sâkin olduğu hâlde bundan akdem hâlike olan mûrisimiz Kurteşe Nasrâniyenin tereksinden ahz u gasb eyledikleri bir ferâce ve bir sandal kablı sincab nâfe kürk ve bir entâri ve bir kaftân ve bir altın gerdân[iye] ve bir sîm kuşağı taleb ve da‘vâ ve suâl olundukda bir ferâce ve bir sandal kablı nâfe kürk ve bir entâri ve bir kaftân hâl-i hayatında bizlere hîbe ve teslîm eyledi deyü şuhûd-ı udûl ile ba‘de’l-isbât ve gerdâniye ve sîm kuşağı inkâr eyledikde bâ-vesâtet-i muslihûn yirmi guruşa sulh ve bedel-i sulh olan meblağ-ı merkūmu vekîl-i mezbûr yedinden ahz u kabz edip hâlike-i mezbûrenin terekesine müte‘allika âmme-i de‘âvîden müvekkiletân-ı mezbûrânın zimmetlerini ibrâ’ ve ıskāt eyledikleri mübâşir çavuş kulları iltimâsıyla huzûr-ı âlîlerine i‘lâm olundu. Fî 18 Cumâdelûlâ sene 1155