Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 223 Hüküm no: 388 Orijinal metin no: [63b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamperson’un İstanbul Çavuş mahallesinde oturan Zafir’den aldığı borcunu ödemesi Ma‘rûz, İstanbul’da Mollagürânî’de Çavuş mahallesinde vâki‘ hamamda sâkin Zafir nâm zimmî Üsküdar’da Kefçe mahallesinde değirmende elekçi olan Hamperson nâm zimmî muvâcehesinde mesfûr Hamperson târih-i i‘lâmdan on beş gün mukaddem dört aded zer-i mahbûb ve dört aded cedîd guruş ki cem‘an on beş guruşumu hamam-ı merkūm kurbünde manav dükkânında yedimden istikrâz ve ahz ve umûruna sarfla istihlâk etmeğin meblağ-ı merkūmu taleb ederim deyü ba‘de’d-da‘vâ ve’l-inkâr müdde‘î-i mesfûr da‘vâ-yı mezkûresini lede’t-tezkiye adâletleri zâhir olan Mustafa b. Abdullah ve Süleyman b. Abdullah nâm kimesneler şehâdetleriyle vech-i şer‘î üzere isbât etmeğin mûcebince meblağ-ı merkūm on beş guruş merkūm Zafir’e edâ ve teslîme mesfûr Hamperson zimmîye tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 22 Cumâdelâhire sene 1155