Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 229 Hüküm no: 401 Orijinal metin no: [65a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başından yaralanan Ali’nin sulh bedeli ile Petro, Yorgi ve İsteyko’yla anlaştığı Ma‘rûz, Derûn-ı arzuhâlde mastûrü’l-ism olup başında sopa yarasıyla mecrûh olan Ali cârihleri olmak üzere iddi‘â eylediği Petro ve Yorgi ve İsteyko ve diğer Petro nâm zimmîlerden haseki kulları mübâşeretiyle ihzâr-ı şer‘-i şerîf ettirdiği merkūmân Petro ve Yorgi ile cerh-i mezkûr da‘vâsından on sekiz guruş merhem bahâ üzerine bâ-vesâtet-i muslihûn sulh ve bedel-i sulh olan meblağ-ı merkūm on sekiz guruşu ahz u kabz edip cerh-i mezkûra ve mâ-yahdüsü minhûya müte‘allika âmme-i da‘vâdan mersûmân Yorgi ve Petro ile gāibân-ı merkūmân İsteyko ve diğer Petro’nun zimmetlerini ibrâ ve ıskāt eylediği Üsküdar Mahkemesi’nde tescîl olunup mübâşir kulları iltimâsıyla huzûr-ı âlîlerine i‘lâm olundu. Fî 25 Cumâdelâhire sene 1155