Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 239 Hüküm no: 420 Orijinal metin no: [68a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Afife ile İbrahim’in anlaşarak boşandığı (muhâlaa) Ma‘rûz, Sahibe-i arzuhâl Fâtıma’nın kızı olup zâtı mu‘arrifeyn ta‘rîfleriyle mu‘arrefe olan Şerife Afife derûn-ı arzuhâlde mezkûrü’l-ism zevc-i dâhili İbrahim ile Dîvân-ı âlîlerinde ma‘kūd meclis-i şer‘de ba‘de’l-mürâfa‘a ve’l-münâza‘a mezbûre Afife zevci mezbûrun zimmetinde olan altı bin akçe mehr-i müeccelini târih-i i‘lâmdan bir sene tamamına değin kendüye edâ etmek üzere tecîl eyledikten sonra nafaka-i iddet-i ma‘lûmesi üzerine ve me’ûnet-i süknâsı dahi kendi üzerine olmak üzere mezbûr İbrahim ile muhâla‘a-i sahîha-i şer‘iyye ile muhâla‘a eyledikde ol dahi kabûl etmeyip hukūk-ı zevciyete müte‘allika âmme-i da‘vâdan her biri âharın zimmetini ibrâ ve ıskāt eyledikleri huzûr-ı âlîlerine i‘lâm olundu. Fî 20 Recebi’l-ferd sene 1155