Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 126 Hüküm no: 7 Orijinal metin no: [2a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Osman’dan kayık satın alan Ömer b. Ahmed’in kayık bedelinden kalan borcunu ödemesi Ma‘rûz Medîne-i Üsküdar’da Büyük İskele’de Kayıkcı Osman b. Mehmed medîne-i mezbûrede mahfil-i bâbda meclis-i şer‘-i hatîrde Ömer b. Ahmed mahzarında mezbûr Ömer târih-i i‘lâmdan bir sene mukaddem yedimden iştirâ ve kabz eylediği bir kıt‘a kayık semeninden otuz guruş hakkımın dört guruşunu yedinden ahz ve istifâ ve yirmi altı guruşu zimmetinde bâkī kalmağla taleb ederim deyü da‘vâ ve mezbûr Ömer cevâbında fi’l-hakīka cihet-i merkūmeden müdde‘î-i mezbûra ol-mikdâr meblağ deyni olduğunu ikrâr lâkin mukırr ve mu‘terif olduğu dört guruşdan mâ‘adâ iki guruş dahi müdde‘î-i mezbûra teslîm edip ancak yirmi dört guruş zimmetimde deynim bâkī kalmış idi deyü ziyâde[y]i ba‘de’d-def‘ ve’l-inkâr dâfi‘-i mezbûr Ömer def‘-i mezbûrunu isbâta kādir olamayıp tahlîfe dahi tâlib olmamağla mûcebiyle meblağ-ı bâkī-i merkūm yirmi altı guruşu müdde‘î-i mezbûr Osman’a edâ ve teslîme mezbûr Ömer’e tenbîh olunduğu bi’l-iltimâs huzûr-ı âlîlerine i‘lâm olundu. Fî 6 min-Ca sene 1204