Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 157 Hüküm no: 69 Orijinal metin no: [7a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hacı İbrahim’i belinden şiş ile yaralayan Mehmed b. Abdullah’ın cezasının yaranın iyileştikten sonra verileceği Ma‘rûz Medîne-i Üsküdar’da Solaksinan mahallesinde sâkin ve ber-vech-i âtî belinin orta yerinden şiş yarasıyla mecrûh olduğu ba‘de’l-keşf zâhir olan Mehmed b. el-Hâc İbrahim medîne-i mezbûrede mahfil-i bâbda meclis-i şer‘-i hatîrde Mehmed b. Abdullah mahzarında mezbûr Mehmed târih-i i‘lâm günü medîne-i mezbûrede Kavak İskelesi’nde bi-gayrı hakkın amden şiş ile belimin orta yerinden darb ve cerh etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden Salih b. Ahmed ve Mehmed b. Ali nâm kimesneler şehâdetleriyle muvâcehesinde isbât etmeğin mûcebiyle cerh-i mezkûrun mûcib-i şer‘îsi ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 28 min-C sene 1204