Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 196 Hüküm no: 139 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tezgahdar Arnavut Mehmed’in ekmek bedelinden ve verdiği borç paradan alacağı olan İbrahim b. Mustafa’ya borcunu ödemesi için tenbihte bulunulduğu Ma‘rûz Medîne-i Üsküdar’da Balaban İskelesi kurbünde ekmekçi destgâhdârı Arnabud Mehmed b. İbrahim medîne-i mezbûrede meclis-i şer‘-i hatîrde İbrahim b. Mustafa muvâcehesinde mezbûr İbrahim târih-i i‘lâmdan iki sene mukaddem yedimden bi-tarîki’l-karz istidâne ve kabz eylediği on guruş ve yine yedimden bi’d-defa‘ât iştirâ ve kabz eylediği nân-ı azîz semeninden sekiz guruş ki cem‘an ciheteyn-i mezkûreteynden on sekiz guruş zimmetinde hakkım olmağla hâlâ taleb ederim deyü da‘vâ ol dahi cevâbında müdde‘î-i mezbûra nân-ı azîz semeninden sekiz guruş deyni olduğunu ikrâr ve ziyâde on guruşu inkâr etmeğin müdde‘î-i mezbûr ber-vech-i muharrer ziyâde müdde‘âsını udûlden Ahmed b. Hasan ve Osman b. Hasan nâm kimesneler şehâdetleriyle ber-nehc-i şer‘î muvâcehesinde isbât etmeğin mûcebiyle meblağ-ı mecmû‘-ı merkūm on sekiz guruşu müdde‘î-i mezbûr Mehmed’e edâ ve teslîme mezbûr İbrahim şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 13 min-Ş sene 1204