Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 204 Hüküm no: 154 Orijinal metin no: [14b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Yani’ye borcu olan Todori’nin borcunu ödemesi Ma‘rûz Medîne-i Üsküdar hâricinde Göksu nâm mahâlde bağçevân arzuhâlde mezkûr Yani v. Nikola nâm zimmî medîne-i mezbûrede mahfil-i bâbda meclis-i şer‘-i hatîrde Todori v. Niko nâm zimmî muvâcehesinde merkūm Todori zimmî târih-i i‘lâmdan iki ay mukaddem yedimden iktirâz ve kabz ve umûruna sarfla istihlâk eylediği üç yüz elli guruş zimmetinde hakkım olup hattâ târih-i i‘lâm günü cihet-i mezkûreden meblağ-ı merkūm üç yüz elli guruş bana deyni olduğunu ikrâr ve edâya ta‘ahhüd dahi etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Yani zimmî merkūm Todori zimmînin ikrâr-ı meşrûhunu lede’t-tezkiye udûl-ı millet-i Nasârâdan oldukları zâhir olan Kosta v. Yani ve Yani v. Yorgi nâm zimmîler şehâdetleriyle muvâcehesinde vech-i şer‘î üzere isbât etmeğin mûcebiyle deyn-i meblağ-ı merkūm üç yüz elli guruşu müdde‘î-i merkūm Yani zimmîye edâ ve teslîme merkūm Todori zimmîye şer‘an tenbîh olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 3 min-Ş sene 1204