Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 232 Hüküm no: 211 Orijinal metin no: [19a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fırın tablakârı Agop’un ekmek bedelinden olan alacağının ödenmesi Ma‘rûz Medîne-i Üsküdar’da Balaban İskelesi kurbünde ekmekçi fırınında tablakâr Agop v. Mardıros nâm zimmî medîne-i mezbûrede mahfil-i bâbda meclis-i şer‘-i hatîrde şahsı mu‘arrefe Pâkzâde bt. Kirkor nâm Nasrâniye muvâcehesinde merkūme Pâkzâde Nasrâniye târih-i i‘lâmdan yedi ay mukaddem yedimden bi’d-defa‘ât iştirâ ve kabz eylediği nân-ı azîz semeninden on üç guruş zimmetinde hakkım olmağla hâlen taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on üç guruşun müdde‘î-i merkūm Agop zimmîye edâsıyla merkūme Pâkzâde Nasrâniye şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 Ş sene 1204