Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 233 Hüküm no: 213 Orijinal metin no: [19a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hayreddin Çavuş mahallesi ahalisinin, kendisinden rahatsız oldukları ve uygunsuz ve ahlaksız hareketleri olan Fatma bt. Hüseyin’in mahallelerinden ihraç edilmesi talepleri Ma‘rûz Medîne-i Üsküdar’da Hayreddin Çavuş mahallesi imâmı Ali Efendi b. Ahmed ve el-Hâc İsmail b. Mustafa ve Yakub b. es-Seyyid Mehmed ve es-Seyyid el-Hâc Mahmud b. Mahmud ve el-Hâc Hasan Ağa b. Hüseyin ve İbrahim Beşe b. Yusuf ve Ömer Beşe b. İbrahim ve es-Seyyid Ahmed b. İsmail ve Fahri b. Ali nâm kimesneler medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Fatıma bt. Hüseyin mahzarında mezbûre Fatıma mahalle-i mezbûrede vâki‘ vâlidesi menzilinde sâkine olup lâkin kendi hâlinde olmayıp hadîdetü’l-lisân ve bî-edeb olmağla dâimâ mûcib-i ta‘zîr olur elfâz-ı kabîha ile herbirimize şetm ve ırzımızı hetk eylediğinden mâ‘adâ mezbûre Fatıma nâ-mahremden ictinâb etmeyip ba‘zı feseka makūlesinden mechûlü’l-ahvâl kimesneler menzili civârında geşt ü güzâr etmekle bi’d-defa‘ât kendiye nush ü pend eylediğimizde mütenassıha olmayıp ef‘âl-i kabîhasında ısrâr ve bizi ta‘cîz ve tekdîrden hâlî olmayıp kendiden bi’l-külliye emniyetimiz meslûb olmuşdur deyü sû’-i hâlini muvâcehesinde ihbâr ve fîmâ-ba‘d mezbûre Fatıma menzil-i mezkûrda ikāmet etmeyip mahalle-i mezbûreden ihrâc olunmak bâbında fermân-ı âlîleri sudûrunu ahâli-i mezbûreden herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 22 min-L sene 1204