Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 396 Hüküm no: 537 Orijinal metin no: [46b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kolancı Seyyid Mehmed’e küfreden İbrahim’e tazir cezası verilmesi Ma‘rûz Medîne-i Üsküdar’da Selmanağa mahallesinde sâkin Kolancı es-Seyyid Mehmed b. Ahmed nâm kimesne meclis-i şer‘-i hatîrde İbrahim b. Mehmed mahzarında mezbûr İbrahim târih-i i‘lâmdan altı gün mukaddem mahalle-i mezbûrede dükkânım önünde bana bi-gayrı hakkın mûcib-i ta‘zîr olur elfâz ile şetm etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp mezbûr İbrahim’e yemîn teklif olundukda yemînden nükûl etmeğin mûcebiyle mezbûr İbrahim’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 10 min-C sene 1205