Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 405 Hüküm no: 557 Orijinal metin no: [48a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hacı İsmail’in borcunu ödenmesi Ma‘rûz Medîne-i Üsküdar’da Hasanağa mahallesinde sâkine mu‘arrefetü’z-zât Âişe bt. Mehmed nâm hatun meclis-i şer‘-i hatîrde kezâlik zâtı mu‘arrefe Hadice bt. el-Hâc İsmail nâm hatun mahzarında mezbûre Hadice bundan akdem medîne-i mezbûre mahkemesi mahsûlünden almak üzere mutasarrıfe olduğu yevmî altı akçe vazîfesini bana ferâğa va‘d edip ben dahi va‘dine binâen altmış beş guruş def‘ ü teslîm etmiş idim hâlâ zikr olunan vazîfeyi bana fâriğa olmamağla medfû‘um olan altmış beş guruşu istirdâd ederim deyü ba‘de’d-def‘ ve’l-istintâk ve’l-ikrâr mûcebiyle meblağ-ı merkūm altmış beş guruşun edâsıyla mezbûre Hadice Hatun şer‘an ilzâm olduğu bi’l-iltimâs huzûr-ı âlîlerine i‘lâm olundu. Fî 25 min-C sene 1205