Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 409 Hüküm no: 566 Orijinal metin no: [48b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hanım’ın oğluna devrettiği vakıf menzili geri almasının hukuksuz olduğu Ma‘rûz; Medîne-i Üsküdar’da Davudpaşa mahallesinde sâkine ve zâtı mu‘arrefe Emine bt. Ahmed nâm hatun meclis-i şer‘-i hatîrde sadr-ı kebîr oğlu Bekir Beşe b. Mehmed mahzarında sâlifü’z-zikr Davudpaşa Vakfı musakkafâtından mahalle-i mezbûrede vâki‘ ma‘lûmü’l-hudûd ve’l-müştemilât mutasarrıfe olduğum bir bâb vakıf menzilimi bundan akdem bâ-ma‘rifet-i mütevellî kendi hüsn-i rızâ ve tayyib-i hâtırım ile oğlum mezbûr Bekir Beşe’ye ferâğ ve tefvîz eylediğimde ol dahi ber-minvâl-i muharrer tefevvüz ve kabûl etmiş idi hâlâ ben ferâğ-ı mezkûruma nâdim olmamla menzil-i mezkûru bana teslîme tenbih olunmak matlûbumdur deyü takrîri üzere ba‘de’l-ferâğ tasaddî eylediği menzil da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 29 min-C sene 1205