Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 911 Hüküm no: 1555 Orijinal metin no: [130b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. İbrahim’in alacağı olduğu Ma‘rûz Vilâyet-i Anadolu’da Kütahya kazâsı ahâlisinden olup medîne-i Üsküdar’da misâfiren sâkin Mehmed b. İbrahim nâm kimesne medîne-i mezbûrede mahfil-i Bâb’da meclis-i şer‘-i hatîrde diğer Mehmed b. Osman mahzarında mezbûr diğer Mehmed târih-i i‘lâmdan yirmi beş gün mukaddem yedimden bi-tarîki’l-karz istidâne ve kabz ve umûruna sarfla istihlâk eylediği on beş guruş hakkımın beş guruşunu yedinden ahz ve on guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı bâkī-i merkūm on guruşun müdde‘î-i mezbûra edâsıyla mezbûr diğer Mehmed şer‘an ilzâm olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 25 min-Rebî‘i’l-evvel sene 1207.