Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 476 Hüküm no: 546 Orijinal metin no: [113b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İskender Bey Vakfı tevliyetinin Neslişah Sultan mütevellîsi Mehmed Efendi’ye tevcihi talebi Ma‘rûz. Derûn-ı arzuhâlde mezkûr İskender Bey tevliyeti Neslişah Sultan tevliyetinin mülhakātından olup kadîmü’l-eyyâmdan tevliyeteyn-i mezbûreteyn ma‘an zabt olunageldiği sikāt-ı muvahhidîn ihbârıyla müte‘ayyin olmağın hâlâ mutasarrıfı Yusuf ref‘inden zikrolunan İskender Bey tevliyeti dahi vazîfe-i mu‘ayyenesiyle sâhib-i arzuhâl Neslişah Sultan mütevellîsi olan Mehmed Efendi dâ‘îlerine tevcîh olunmak ricâsıyla pâye-i serîr-i âlâya i‘lâm olundu. Fermân hazret-i veliyyü’l-emrindir. Fî 27 Rebî‘ülâhir sene [1]143.