Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 489 Hüküm no: 573 Orijinal metin no: [116b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Para iadesi tenbihi Ma‘rûz. Kapıkethüdâsı İbrahim Beşe mübâşeretiyle Bâb Mahkemesi’ne ihzâr olunan İbrahim’den hasmı Ali nâm kimesne meclis-i şer‘de mezbûr İbrahim târih-i i‘lâmdan üç sene mukaddem mezbûr Küretü’n-nuhâs voyvodası tarafından İnebolu kazâsına tâbi‘ Karaca nâm karyede bi-gayr-ı hakkın gasben yirmi beş guruşumu aldığı iki nefer şâhid-i adl ile muvâcehesinde şer‘an sâbit ve zâhir olmağın meblağ-ı mezbûrun red ve teslîmi lâzım geldiği huzûr-ı âlîlerine i‘lâm olundu. Fermân men-lehü’l-emrindir. Fî 7 Cumâdelûlâ sene [1]143.