Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 509 Hüküm no: 622 Orijinal metin no: [121a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sebzecibaşı Ahmed’in bostancı kethüdası tayini talebi Ma‘rûz. Mahmiye-i İstanbul ve Galata’da vâki‘ bostancı tâifesinden Molla Mustafa b. Osman ve Salih Beşe [b.] Mehmed ve yiğitbaşılarından Kino v. Pavlo ve Yuvan v. Yorgi ve tâife-i mezbûreden Karagözoğlu Danyel ve Yani v. Duka ve Lefter v. Yuvan ve Yuvan v. Yorgo ve Hristo v. Avlandı? ve Yamandi v. Petko ve Kiryako v. Kaytan ve Anaştaş v. Vasil ve Apostode v. Yani ve Yako v. Petko ve Milo v. Polo ve Petro v. Nati ve Niko v. Yuvan ve Fasko v. Roso ve sâirleri meclis-i şer‘de fi’l-hakīka kadîmü’l-eyyâmdan berü bostancılar kethüdâlığı derûn-ı telhîsde mezkûr olduğu üzere saray-ı cedîd-i âmirede vâki‘ sebzeciyân ocağına meşrûtadır ve mezbûr sebzecibaşı mütedeyyin ve müstakīm ve muhtârımızdır deyü her biri ba‘de’l-ihbâr hâlâ Sebzecibaşı Ahmed kendiden mukaddem kethüdâ olanların hazîne-mânde eyledikleri ulûfelerini kendi mâlından vermek şartıyla deruhde ve kabûl etmeğin ber-vech-i muharrer zikrolunan kethüdâlık kadîmî üzere kendiye tevcîh ve yedine berât-ı âlîşân ihsân buyrulmak ricâsında idiği huzûr-ı âlîlerine i‘lâm olundu. Fî 9 Cumâdelâhire sene [1]143.