Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 554 Hüküm no: 718 Orijinal metin no: [134a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Reis’in Haseki Osman Ağa üzerine açtığı davayı ispat edemediği Ma‘rûz. Mazlûmî Mustafa Yazıcı mübâşeretiyle Bâb Mahkemesi’ne ihzâr-ı şer‘ olunan Haseki Osman Ağa’dan hasmı sefîne reislerinden Ali Reis nâm kimesne meclis-i şer‘de mezbûr Osman Ağa Trabzon ağası iken târih-i i‘lâmdan iki sene mukaddem gāib ani’l-meclis Murtaza Ağa yediyle bi-gayr-ı hakkın benim elli guruşumu ahz u kabz etmekle meblağ-ı mezbûru taleb ederim deyü ba‘de’d-da‘vâ ve’l-inkâr müdde‘î-i mezbûr vech-i muharrer müdde‘âsını beyâna kādir olmamağla mezbûr Osman Ağa bi’t-taleb tahlîfü’ş-şer‘î ile ba‘de’t-tahlîf mûcebince müdde‘î-i mezbûr Ali Reis bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Bâkī fermân men-lehü’l-emrindir. Fî 14 min-Şa‘bân sene 1143.