Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 288 Hüküm no: 305 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’a kefil olan Sağrıcı Hüseyin’in kefalet parasını ödemesi gerektiği Ma‘rûz. Mumcu Hüseyin Beşe mübâşeretiyle Mahkeme-i Bâb’a ihzâr olunan Sağrıcı Hüseyin’den hasmı Bostânî Mehmed meclis-i şer‘de târih-i i‘lâmdan üç ay mukaddem Mehmed b. Abdullah nâm kimesneye mâlımdan işbu yedimde olan temessük nâtık olduğu üzere cihet-i karz-ı şer‘îden yüz otuz guruş def‘ ve teslîm ol dahi ahz u kabz etmekle meblağ-ı mezkûr yüz otuz guruşa mezbûr Hüseyin kefâlet-i sahîha ile kefîl bi’l-mâl olmağla taleb ederim deyü da‘vâ eyledikde mezbûr Hüseyin dahi ber-vech-i muharrer kefâlet-i merkūmeyi ikrâr ve i‘tirâf etmeğin mûcebince meblağ-ı mezkûr yüz otuz guruşu müdde‘î-yi mezbûr Bostânî Mehmed’e bi-hükmi’l-kefâle edâya merkūm Hüseyin’e tenbîh olunduğu huzûr-ı âlîlerine i‘lâm olundu. Fî-gurreti Zilhicceti’ş-şerîfe sene [1]143.