Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 308 Hüküm no: 353 Orijinal metin no: [76b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Ağa’nın ölmeden önce verdiği borç iddiasıyla açılan davada ispat sağlanamadığı Ma‘rûz. Ashâb-ı arzuhâl Mehmed ve Âişe ve Safiye Dîvân-ı âlîlerinde ma‘kūd meclis-i şer‘de derûn-ı arzuhâlde mezkûrü’l-ism silâhşör-i sâbık Mustafa Ağa mahzarında babamız müteveffâ Salih Ağa hayatında bin yüz on iki senesi Muharremi’l-harâm’ı târihiyle müverrah temessük mantûkunca mezbûr Mustafa Ağa’nın babası Mehmed Ağa b. Abdullah b. Abdülmennan’a mâlından beş yüz guruş ikrâz ve teslîm ol dahi iktirâz ve tesellüm ve kabz ve istihlâk eylediğinden sonra babamız kable’l-ahz fevt olup biz dahi sagīrler olmağla vasîmiz meblağ-ı mezbûru kable’l-ahz mezbûr Mehmed Ağa dahi vefât edip terekesini oğlu mezbûr Mustafa Ağa kabz etmekle meblağ-ı mezbûru terekesinden bi’l-verâse taleb ederiz deyü da‘vâ eylediklerinde mezbûr Mustafa deyn-i mezkûr ma‘lûmum değildir deyü inkâr eylediğinden mâ‘adâ babam müteveffâ-yı mezbûr müstağrakun bi’d-deyn olduğu hâlde vefât etmekle terekesi beyne’l-guremâ tevzî‘ olunup terekesine vaz‘-ı yed eylemedim deyü inkâr edip müdde‘ûn-ı mezbûrûndan da‘vâ-yı meşrûhlarına mutâbık beyyine taleb olundukda ityân-ı beyyine için istimhâl etmeleriyle müddet-i mehl-i şer‘î birle imhâl olunup müddet-i mehil tamam olup ikāmet-i beyyineye [77a] kādir olmamağla talebleriyle mezbûr Mustafa Ağa’ya vech-i şer‘î üzere yemîn verilip bilâ-beyyine mu‘ârazadan men‘ olundukları huzûr-ı âlîlerine i‘lâm olundu. Fî 23 Zilhicce sene [1]143.