Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 311 Hüküm no: 360 Orijinal metin no: [77a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mısır tüccârı Ömer’in alacağı olduğu Ma‘rûz. Mısır tüccârından el-Hâc Ömer b. Yusuf nâm kimesne meclis-i şer‘de hasmı İsteryo zimmetinde beynimizde ma‘lûm mısır metâ‘ı semeninden hakkım olan yüz elli iki guruşdan bâkī on üç guruş hakkım vardır deyü da‘vâ eyledikde ol dahi ikrâr ve i‘tirâf etmeğin mûcebince meblağ-ı bâkī-i mezbûr on üç guruşu müdde‘î-yi mezbûra edâya mesfûr İsteryo zimmîye şer‘an tenbîh olunmuşdur. Fî 28 Zilhicce sene [1]143.