Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 359 Hüküm no: 435 Orijinal metin no: [89b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed ve Seyyid Ahmed’in, vakıf arsası üzerindeki iddialarının reddedildiği Ma‘rûz. Derûn-ı arzuhâlde mastûrü’l-ism es-Seyyid Mehmed ve karındaşı es-Seyyid Ahmed arzuhâl eden es-Seyyid İsmail ve Şerîfe Afîfe ve Şerîfe Hadîce nâm karındaşlardan zikri âtî vakfın mütevellîsi hazır olduğu hâlde mezbûrûnun vâlideleri Şerîfe Meryem İstanbul’da Davud Paşa mahallesi avârızına mevkūfe ma‘lûmü’l-hudûd menzile mutasarrıfe olduğu hâlde kız karındaşı kızı olup vâlidemiz olan Şerîfe Âişe’ye bâ-ma‘rifet-i mütevellî ferâğ ve kasr-ı yed etmiş iken vâlidemiz mezbûra Âişe vefât etmekle mezbûrûn es-Seyyid İsmail ve Şerîfe Afîfe ve Şerîfe Hadîce vâlidelerinden intikāl-i âdî ile intikāl eylemek üzere bi-gayr-ı hakkın fuzûlî menzil-i mezbûrun ba‘de’l-harîk arsasının zabtederler deyü da‘vâ mezbûrûn arsa-i mezbûreyi zabtlarını ikrâr vâlideleri Şerîfe Meryem’in ferâgını inkâr eylediklerinde mezbûrân Seyyid Mehmed ve Seyyid Ahmed’den müdde‘âlarını mübeyyin beyyine taleb olundukda istimhâl etmeleriyle bi’d-defa‘ât mehl-i şer‘î birle imhâl olunup ikāmet-i beyyineden her biri izhâr-ı acz edip mezbûrûnun tahlîflerine dahi tâlib olmalarıyla mezbûrûn Seyyid Mehmed ve Seyyid Ahmed bi-gayr-ı vech-i şer‘î mu‘ârazadan men‘ olunmuşdur. Fî 20 Muharrem sene [1]144.