Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 495 Hüküm no: 643 Orijinal metin no: [76a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hapisteki Sava’nın fakir olması sebebiyle borcunu ödeyemeyeceğinden tahliyesi Ma‘rûz İstanbul’da Mirâhur mahallesinde mütemekkin Zakarya v. Yan zimmî meclis-i şer‘de derkenârda ismi mezkûr Attâr es-Seyyid Süleyman’a yüz on guruş ve otuz yedi para deyn için altı aydan berü sicn-i sultânîde mahbûs olan arzuhâl sâhibi Sava v. Yovana zimmî muvâcehesinde mezbûr Sava zimmetinde cihet-i karzdan elli üç guruş hakkım olmağla taleb ederim deyü da‘vâ ol dahi ikrâr lâkin bir vechile edâ-i deyne kudretim olmayıp ism-i mâl ıtlâk olunur bir nesneye mâlik değilim deyü fakīr-i asârını da‘vâ ettikde mezbûr es-Seyyid Süleyman’ın dahi huzûru iktizâ etmekle ihzâr için taraf-ı şer‘den mübâşir kullarıyla muhzır dâ‘îleri irsâl olundukda mezbûr Süleyman mahrûse-i Edirne’ye gitmişdir deyü attârlar kethüdâsı el-Hâc Osman’a ba‘de’l-ihbâr hakīkat-i hâl mezbûr Sava’nın iddi‘âsı üzere olduğunu Gedikpaşa’da Arayıcı Hanı’nda sâkin Mustafa b. Himmet ve Kazgancıoğlu mahallesinde Molla Yahya b. Mehmed ve Mehmed Beşe b. Ahmed nâm kimesneler ile altı nefer müseccelü’l-esâmî zimmîler mezbûr Sava’nın ber-vech-i muharrer asârını ba‘de’l-ihbâr mezbûr Sava’nın nefsine ve hîn-i mutâlebede huzûr-ı hükkâma ihzârına yine mezbûr Zakarya kefîl olmağın mezbûr Sava’nın habsi meşrû‘ olmayıp vakt-i yesârına değin sebîli tahliye olunmak lâzım geldiği huzûr-ı âlîlerine i‘lâm olundu. Fî 18 S sene 1153.