Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 516 Hüküm no: 687 Orijinal metin no: [79b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Manav Halil’in dükkândaki eşyalarıyla ilgili davada sulh olduğu Bâ-mühr-i efendi Ma‘rûz Manav tâifesinden olup bundan akdem vefât eden Halil’in sagīr oğlu Mustafa ve sagīre kızı Emetullah’ın vâlideleri ve tesviye-i emrlerine kıbel-i şer‘den mansûbe vasiyeleri sâhibe-i arzuhâl Hadîce meclis-i şer‘de Manav Mehmed b. Mustafa nâm kimesne mahzarında müteveffâ-yı mezbûrun terekesinden olup mahmiye-i İstanbul’da Balıkpazarı kapısı hâricinde vâki‘ manav dükkânında mevcûde mecmû‘u elli guruş kıymetli manav âlâtını mezbûr Mehmed fuzûlî kabz eyledi deyü da‘vâ ol dahi inkâr ve müdde‘iye-i mezbûre müdde‘âsını beyâna kādire olmayıp ve mezbûr Mehmed’in yemîn etmesi muhakkak olmağla nef‘an li’s-sagīr yirmi guruş bedel-i makbûza sulh olup kat‘-ı nizâ‘ eyledikleri huzûr-ı âlîlerine i‘lâm olundu. Fî 29 S sene 1153.