Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 541 Hüküm no: 738 Orijinal metin no: [84a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üzerinden on beş seneden fazla geçen davaya bakılamayacağı Ma‘rûz Mumcu tâ[ifesinden] Yakub Beşe mübâşeretiyle Mahkeme-i Bâb’a ihzâr olunan Hüseyin Beşe b. Mustafa’dan hasmı Ömer b. el-Hâc Hasan nâm kimesne meclis-i şer‘de mezbûr Hüseyin Beşe târîh-i i‘lâmdan yirmi sene mukaddem gāib ani’l-meclis şerîkin Aşuroğlu Hasan Beşe zimmetinde seksen vakıyye tütün bahâsından on sekiz guruş hakkım olup ve sen mezbûrun şerîkisin deyü çadır mehteri ulûfemden meblağ-ı mezbûr on sekiz guruşu bi-gayr-ı hakkın almağla meblağ-ı mezbûru mezbûr Hüseyin Beşe’den taleb ederim deyü tasaddî eylediği da‘vâsında yirmi sene mürûr edip bilâ-özr on beş sene terk olunan da‘vânın bilâ-emr istimâ‘ı memnû‘ olmağın mezbûr Ömer’in da‘vâ-yı mezkûresi mesmû‘a olmadığı huzûr-ı âlîlerine i‘lâm olundu. Bâkīyü’l-emr li-men-lehü’l-emr. Fî 18 Ra sene 1153.