Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 202 Hüküm no: 176 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ganemzâde Kalyonu hocaları Büyük Mustafa Hoca ve Hasan Hoca’nın Mısır’dan Matbah-ı âmire için gönderilen pirinçten zimmetlerinde pirinç olmadığının tescil edildiği Ma‘rûz Bi’l-fi‘il Matbah-ı âmire emîni Mollacıkzâde Ali Ağa’nın çukadârı ve tarafından husûs-ı âti’z-zikre vekîl-i şer‘îsi İsmail Ağa b. Halil meclis-i şer‘-i enverde Ganemzâde Kalyonu hocalarından Büyük Mustafa Hoca ve Hasan Hoca muvâcehelerinde mezbûrân hocalar yedleriyle diyâr-ı Mısır’da cânib-i mîrîden Matbah-ı âmire için irsâl olunan üç yüz doksan sekiz zenbil pirinci mezbûrân hocalar tamamen ahz u kabz edip zikrolunan kalyonla getirip üç yüz doksan iki zenbili kalyondan ihrâc ve Matbah-ı âmire cânibinden kabza me’mûra teslîm ve altı zenbili yedlerinde kalmağla taleb ederim deyü bi’l-vekâle ba‘de’d-da‘vâ ve’s-suâl mezbûrân hocalar cevâblarında fi’l-vâki‘ diyâr-ı mezkûrda ber-vech-i muharrer ol kadar pirinci tamamen ihrâc ve Matbah-ı âmire tarafından kabza me’mûrlara tamamen teslîm eyledik deyü def‘ edip ve mezbûrân hocalar def‘-i mezkûrlarında kavl ve yemînleriyle tasdîk olunur ümenâdan olmalarıyla zikrolunan pirincden yed ve zimmetlerinde nesne kalmadığına herbiri half billâh etmeğin mûcebiyle vekîl-i müdde‘î-i mezbûr bi’l-vekâle olan da‘vâ-yı mezkûresiyle bî-vech mu‘ârazadan men‘ olunduğu Bâb’dan huzûr-ı âlîlerine i‘lâm olundu. Fî-selhi Ca sene 1162