Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 509 Hüküm no: 689 Orijinal metin no: [89b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dikici Konyalı Kara Mehmed b. Hasan’ın, Nikola v. Nedelko’da olan alacağını kefili olan kardeşi Panço’nun ödemesine yapılan tenbih Ma‘rûz Dikici tâifesinden sahib-i arzuhâl Konyalı Kara Mehmed b. Hasan meclis-i şer‘de Panço v. Nedelko zimmî muvâcehesinde işbu yedimde olan i‘lâm-ı şer‘î mantûkunca mârrü’z-zikr Panço’nun karındaşı Nikola v. Nedelko zimmetinde yedimden iştirâ ve kabz eylediği ma‘lûmü’l-mikdâr sahtiyân semeninden on dokuz guruş ve cihet-i deyn-i şer‘îden dahi dört guruş ki cem‘an yirmi üç guruş hakkıma emir ve kabûlü hâvî kefâlet-i sahîha-i şer‘iye ile merkūm Panço kefîl olmağla binâenaleyh meblağ-ı mezbûr yirmi üç guruşu merkūm Panço’dan taleb ederim deyü da‘vâ eyledikde ol dahi kazıyye vech-i muharrer üzere olduğunu bi’l-cümle ikrâr ve i‘tirâf etmeğin mûcebince meblağ-ı mezbûr yirmi üç guruşu müdde‘î-i mezbûr Kara Mehmed’e bi-hükmi’l-kefâle edâ ve teslîme merkūm Panço zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 22 min-Rebî‘ülâhir sene 1163