Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 371 Hüküm no: 561 Orijinal metin no: [75a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lazari’nin Şerbethaneci Ligori’ye olan borcunu ödemesi 4750 guruşa hüküm Ma‘rûz Arzuhâl eden Şerbethâneci Ligori v. Sava nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mastûrü’l-ism Lazari v. Yuvan nâm zimmî muvâcehesinde mersûm Lazari zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bâ-temessük dört bin yedi yüz elli guruş alacak hakkım olmağla meblağ-ı mezkûru mesfûr Lazari zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin alâ-mûcibi ikrârihi meblağ-ı mezkûr dört bin yedi yüz elli guruşun müdde‘î-i mesfûr Ligori zimmîye edâ ve teslîmiyle mersûm Lazari zimmî ilzâm olunduğu huzûr-ı [âlîlerine i‘lâm olundu] Fî 5 Rebî‘ülevvel sene [1]256