Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 78 Hüküm no: 42 Orijinal metin no: [8b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musa b. Abdullah adlı sipahinin Yasemin bt. Abdullah’a küfrettiği Kapıcı Mustafa nâm kimesnenin hatunu Yasemin bt. Abdullah meclis-i şer‘-i şerîfe gelip sipâhî oğlanları zümresinden Musa b. Abdullah nâm sipâhî mahzarında takrîr-i kelâm edip ben yolda odama gider iken mezkûr Musa bana oda bu yanadır bu yana gel kahbe kanda gidersin dedi deyu da‘vâ ettikde gıbbe’s-suâl ba‘de’l-inkâr müddeiye-i mezkûrenin sıdk-ı mekāline mutâbık beyyine taleb olundukda ba‘de’l-istişhâd udûl-i müslimînden Ali Sofu b. İlyas ve Cafer b. İlyas nâm kimesneler şâhidleriz şehâdet dahî ederiz ki mezkûr Musa mezbûre hatuna oda bu yanadır bu yana gel kahbe kanda gidersin deyu şetm etti deyu edâ-yı şehâdet-i şer‘iyye ettiklerinde ba‘de’t-ta‘dîl ve’t-tezkiyyeti’ş-şer‘iyye şehâdetleri hayyiz-i kabûlde vâki‘ olup mâ-vaka‘a mezbûre Yasemin talebiyle kayd olundu. Şuhûdü’l-hâl: Mevlânâ Mustafa b. Hasan el-imâm, Hamza b. Mehmed, Hasan b. Abdullah, Mehmed [b.] Behram, Yusuf b. Mustafa.