Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 85 Hüküm no: 57 Orijinal metin no: [11a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bey b. Abdullah’ın rüesa ve azebân’ın üç aylık maaşlarına karşılık olan parayı aldığı Vech-i tahrîr-i hurûf budur ki, Mahrûse-i Galata’da emîn olan fahrü’l-akrân Ali Bey b. Abdullah tarafından vech-i âtî üzere ikrâra vekîl-i şer‘î olan Şücâ‘ Reis b. Mehmed mahfil-i şer‘de ikrâr ve takrîr-i kelâm edip rüesâ ve azebân-ı hâssanın sene erba‘a ve sittîn ve tis‘a mi’e Receb’i ve Şa‘bân’ı ve Ramazân‘ı aylarında vâcib olan mevâcibi için Bâc-ı pây-ı ağnâm mukāta‘asına emîn-i mültezim olan sipâhîler zümresinden Sefer-i Bosna tahvîlinden havâle olunan on bin akçe mezbûr müvekkilim emîn-i mezbûr elinden bî-kusûr alıp kabz eyledi dedikde mukırr-ı mezbûru mukarrun-leh mezbûr cemî‘i mâ akarra bihîde tasdîk edip mâ-vaka‘a bi’t-taleb kayd olundu. Şuhûdü’l-hâl: Mehmed b. İlyas, Mustafa b. Osman, Süleyman Çelebi b. Abdullah er-reîs, Ramazan çerâk