Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 104 Hüküm no: 102 Orijinal metin no: [17b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hamza Vakfı’nın, terekesi Beytülmâl tarafından zabt edilen Hayreddin b. Abdullah’ta mu‘âmele-i şer‘iyyeden hakkı olduğu Mahmiye-i Kostantıniyye mahallâtından Kara Nohut mahallesinde sâkin olan Seydi b. Muharrem nâm müezzin yine mahmiye-i mezkûre mahallâtından Sarı Musa mahallesinde sâkin olan Hasan b. Hüseyin nâm müezzin, emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, kendisinin tesîs ettiği evkāfa mütevelliye olan Hatice bt. Hamza’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, vakf-ı mezbûrun, bundan akdem Sarı Musa mahallesinde fevt olup muhallefâtı Beytülmâl-i mezbûr tarafından zabt edilen Hayreddin b. Abdullah nâm yayanın zimmetinde mu‘âmele-i şer‘iyye cihetinden râyicü’l-vakt bin yedi yüz otuz akçe hakkı vardır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu dâme izzuhû ve alâhu, müdde‘iye-i mezbûreye meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamamen sâkıt olmadığına dâir yemîn verip meblağ-ı merkûmun edâsına hükmetti. Fî 29 Zilka‘de sene 964 Şuhûdü’l-hâl: el-Hâc Mehmed b. Halil ve Ahmed b. Mahmud ve Timur b. Mahmud