Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 115 Hüküm no: 129 Orijinal metin no: [21a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Kasım b. Abdullah’ın, ölmeden önce evini karısına bağışladığı Mevlânâ Mehmed b. Tursun el-imâm ve el-Hâc İskender b. Abdullah et-tabbâh ve Hüseyin b. Abdullah ve el-Hâc Ahmed b. Mehmed nâm kimseler emâcid-i ekârim defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Hümâ b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, mahmiye-i mezbûrede vâki Küçük Ayasofya mahallesinde bundan akdem fevt olan ve muhallefâtı Beytülmâl-i mezkûr tarafından zabt edilen Kasım b. Abdullah ölmeden on yedi ay evvel hâl-i sıhhati ve kemâl-i aklında iken işbu akdin kendinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede vâki‘, bir taraftan İskender b. Abdullah mülkü, bir taraftan İlyas b. Abdullah mülkü, tarafeynden de tarîk-ı âm ile mahdûd olan cemî‘ mülk menzilini müdde‘iye-i mezbûre zevcesine hibe etti. O da hibeyi kabûl edip menzil-i mezkûru kabz etti. Şehâdeten şer‘iyyeten makbûleten ba‘de ta‘dîli’ş-şer‘î ve’t-tezkiyeti’ş-şer‘iyye hâkim-i muvakkı‘ a‘lâhu şehâdetleri mûcebince hükmetti. Fî 22 Zilhicce sene 964 Şuhûdü’l-hâl: Mustafa b. Abdullah, Mehmed b. Abdullah, Süleyman b. Abdullah, Hamza b. Abdullah