Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 118 Hüküm no: 136 Orijinal metin no: [22a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seydi Halife mahallesindeki evin Ferhad Bey b. Abdullah’a ait olduğu Gülendâm bt. Abdullah kıbelinden husus-i âti’z-zikri ikrâra vekîl olan Silahdâr Hamza Bey b. Abdullah meclis-i şer‘a hâzır olup şöyle ikrâr eyledi ki, müvekkile-i mezbûresi Gülendâm şöyle ikrâr ve i‘tirâf etti ki, mahmiye-i Kostantıniyye mahallâtından Seydi Halife mahallesinde vâki‘ olup tahtânî bir hâneyi, müvekkile-i mezbûre ile âti’z-zikr menzilin sâhibi Ferhad Bey arasına müşterek duvarı, odayı, ahırı, yine beynlerinde müşterek su kuyusunu, helâyı, cüneyneyi, beynlerinde müşterek diğer bir duvarı müştemil olan, bir taraftan mukırra-ı mezbûre mülkü, bir taraftan Fâtma bt. Nasuh mülkü ve tarafeynden de tarîk-ı hâs ile mahdûd bulunan menzil hâmil-i hâze’l-kitâb Ferhad Bey b. Abdullah’ın mülk-i mahzı ve hakk-ı sırfıdır. Vâki‘ ikrâr, mukarrun lehü’l-mezbûr tarafından bi’l-müvâcehe tasdîk edildi. Fî 23 [Zilhicce sene 964] Şuhûdü’l-hâl: Şuhûd a‘lâhu