Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 120 Hüküm no: 141 Orijinal metin no: [22b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kamer Çelebi Vakfı’nın, terekesi Beytülmâl tarafından zabt edilen Mahmud b. Abdullah’ta alacağı olduğu Ali b. Âbid ve el-Hâc Nasuh b. Abdullah nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, merhûm Kamer Çelebi Vakfı mütevellîsi mühtedî Şücâ‘ b. Abdullah’tan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, Vakf-ı mezbûrun, bundan akdem mahmiye-i Kostantıniyye mahallâtından Dâye Hatun mahallesinde fevt olan ve muhallefâtı Beytülmâl-i mezkûr tarafından zabt edilen Mahmud b. Abdullah’ın zimmetinde mu‘âmele-i şer‘iyye cihetinden râyicü’l-vakt beş bin akçe hakkı vardır. Öldü ve meblağ-ı mezbûr üzerinde kaldı. Elân bu meblağ üzerinde deyndir. Şehâdeten şer‘iyyeten makbûleten ba‘de ta‘dîli’ş-şer‘î ve’t-tezkiyeti’ş-şer‘iyye hâkim-i muvakkı‘ a‘lâhu şehâdetleri mûcebince hükmetti. Cerâ zâlike ve hurrire fî evâhiri Zilhicce-i şerîfe sene erba‘a ve sittîn ve tis‘a mi’e Şuhûdü’l-hâl: ( )