Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 148 Hüküm no: 203 Orijinal metin no: [31a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc İlyas b. Ali’nin, Terekesi Beytülmâl tarafından zabt edilen Safiye bt. Mehmed’de sattığı ev bedelinden alacağı olduğu Mevlânâ Hasan b. Mustafa ve Ahmed b. Yunus nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, el-Hâc İlyas b. Ali’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûrun, bundan akdem mahmiye-i Edirne mahallâtından Kurt Doğan mahallesinde fevt olan ve muhallefâtı Beytülmâl-i mezbûr tarafından zabt edilen Safiye bt. Mehmed’in zimmetinde mahalle-i mezkûrede vâki‘, bir taraftan Sitti Hatun bt. Abdullah mülkü, bir taraftan Mehmed Çelebi b. Abdülkerim mülkü, tarafeynden de tarîk-ı âm ile mahdûd bulunan, ölümünden evvel iştirâ ve kabz ettiği menzil bahâsından beş bin akçe hakkı vardır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, müdde‘î-yi mezbûra meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamamen sâkıt olmadığına dâir yemîn verip meblağ-ı merkūmun edâsına hükmetti. Cerâ zâlike ve hurrire fi’l-yevmi’s-sâlis aşara min-Rebî‘i’l-evvel sene 965 Şuhûdü’l-hâl: Ahmed b. Cemal, Abdurrahman b. Süleyman