Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 154 Hüküm no: 219 Orijinal metin no: [33a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mutasarrıfı ölen mezranın Mustafa Çavuş b. Cüneyd tarafından Dimo b. Yorgi’ye tapuya verilmesi Mustafa Çavuş b. Cüneyd nâm kimesne meclis-i şer‘a gelip Yanya sancağında Kolani Grama nâm karyede mütemekkin olan Dimo b. Yorgi nâm zimmî mahzarında ikrâr ve takrîr-i kelâm edip timarımda vâki‘ olan Dıyani nâm karye sınırında vâki‘ olup üç tarafdan tarîk-i âmla ve bir tarafdan arz-ı hâliye ile mahdûd olan bir kıt‘a mezra‘ayı mutasarrıf olan Dimo b. Mihal nâm zimmî fevt olup evlâdından kimse kalmadığı ecilden hâlî ve mu‘attal kalıp resm-i pâdişâhî üzere tapuya müstahak olmağın mezbûr Dimo’nun iki yüz kırk akçe resm-i tapusun alıp verdim ki ba‘de’l-yevm mutasarrıf olup kimesne mâni‘ ve dâfi‘ olmaya. Tahrîren fî 28 Rebî‘ülevvel sene 965. Şuhûdü’l-hâl: İskender Bey b. Abdullah, Müstedam b. Abdullah, Mahmud Bey b. Abdullah, Ferhad Bey b. Abdullah.