Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 162 Hüküm no: 241 Orijinal metin no: [35b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Ali b. Yusuf’un vârisinin oğlu Hasan olduğu Hasan b. Hamza ve Veli b. Yusuf ve Mehmed b. Ömer ve Hamza b. Abdullah nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Hasan b. Ali’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr bundan akdem mahrûse-i Edirne mahallâtından Köhne Kadı mahallesinde fevt olan ve muhallefâtı Beytülmâl-i mezbûr tarafından zabt edilen Ali b. Yusuf’un vârisidir. Şu cihetle ki, müdde‘î-yi mezbûr, müteveffâ-yı mezkûrun sulbî oğludur. Verâseti ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim şehâdetleri mûcebince hükmetti. Cerâ zâlike ve hurrire fi’l-mezbûr Şuhûdü’l-hâl: ( )