Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 170 Hüküm no: 257 Orijinal metin no: [37b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Tâceddin b. Mehmed’in vârislerinin üç oğlu olduğu İlyas b. Ali ve Mustafa b. Osman nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Fazlullah b. Tâceddin’in kendi nefsinden asâleten, Atâullah ve Cafer ibney Tâceddin nâm kardeşleri kıbelinden vekâleti bi-mâ hüve tarîku’s-sübût şer‘an sâbit olarak vekâleten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, mezkûr Fazlullah ve mezbûreyn Atâullah ve Cafer bundan akdem Çoban Köprüsü nâm mevzi‘de fevt olan ve muhallefâtı Beytülmâl-i mezbûr tarafından zabt olunan Tâceddin b. Mehmed’in vârisleridir. Şöyle ki müdde‘î ve müvekkilleri müteveffâ-yı mezkûrun oğullarıdır. Verâseti onlara münhasırdır. Onlardan gayrı vârisi ma‘lûmumuz değildir. Bu hüküm günün kasaba-i mezkûre kādısı Mevlânâ Mehmed b. Hasan kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 25 Rebî‘ülâhir sene 965 Şuhûdü’l-hâl: ( )